كيكة ولا أروع

                                             كيكة ولا أروع

اليوم جبت ليكم كيكة روعة وكتحمر الوجه وكنشجعكم تجربوها على احسابي أنا متأكدة غادي تعجبكم وما تبقاقش تخطاكم وبالأخص مقاديرها متوفرة في كل بيت

على بركة الله

                          المقادير  )      العبار بكأس العنبة   (
حك ديال دانون أي نكهة
كأس ونصف سكر
كأس ما عامرش زيت
كأس ماء مغلي يعني طايب
2 كيسان دقيق
6معالق كبار بودرة الكاكاو
2 بيضات
2خمارات وفاني وقبصة ملح
                          للسقي
م ص زبدة
2م ك كاكاوغبرة
نصف كأس حليب محلى

                      الطريقة
نضربوا البيض مع السكر

ثم نضيفوالزيت ودانون ونضربو ونزيدوا الماء طايب

ومن بعد انضيفو الدقيق والكاكاو مع التطريب

انفرغوها في المول وندخلوها الفرن 45دقيقة على 180درجة

واندوزوا انحضرو الكلاصاج للسقي ندوبو الزبدة

ونضيف غبرة الكاكاو وانحركو

وانزيدو عليها الحليب المحلي ونحركوا باش انحصلو على هد الكلاصاج

ومنين انخرجو الكيكة من الفرن انخلوها تبرد شوية وانبداو انتكوها بالفورشيط باش اتشرب عند السقي

انغطيو لها الوجه بالخليط اللي حضرنا من قبل وانزينوها حسب الرغبة أنا زينتها باللوز محمر إفيلي ودرت خطوط بقليل من الكلاصاج اللي اسقيت بيه الكيكة