كيك بالبنان و عجين الكاوكاو بصور
على بركة الله
المقادير :
120 غ زبدة فحرارة المطبخ
100 غ عجين الكاوكاو ( كناخدو كاوكاو نحمروه شوية و نخليوه يبرد و نطحنوه حتى يولي عجين و يطلق الزيت ديالو )
100 غ سكر بني
100 سكر ابيض
2 ساشي ڤاني
2 بيضات فحرارة المطبخ
170 غ بنان ممعوك
130 غ دقيق
7 غ خميرة دالحلوى
قليل من الملح
180 غ شكلاط طريفات صغار
للتزيين
سكر كلاصي
شكلاط دايب
الطريقة :
نغربلو الدقيق و الملح و الخميرة و نخليوهم على جنب
نسخنو الفران على 350 فهرنهايت 180 درجة مئوية
نوجدو مقلة 22 سم
كناخدو البنان و نمعكوه مزيان
نطربو الزبدة و عجين الكاوكاو على سرعة متوسطة حتى يتمازجو
نضيفو السكر الابيض و البني
و نطربو مزيان
و نضيفو الفاني
نضيفو البيض وحدة بوحدة و نطربو بعد كل اضافة
نضيفو البنان و نبداو نطربو و نطفيو الروبوت تقريبا 4 تال 5 ديال
المرات باش البنان يتمازج مزيان مع المكونات و مايتقلش على الكيك و ينزل لتحت
نضيف الدقيق و الخميرة و الملح
نضيف طريفات الشكلاط
رشيت المقلة ديالي بالزبدة و الدقيق
عملت الخليط ديالي
و الخليط كيكون تقيل نسرحوه فالمقلة
دخلتها لفران لمدة مابين 45 تال 55 دقيقة
منين نخرجوها من الفران نخليوها تقريبا 30 دقيقة عاد نقلبوها تبرد
نزوقوها بالسكرا كلاصي و خطيطات الشكلاط
إرسال تعليق
الابتساماتانقر لرؤية رمز الإبتسامة
لإدراج التعبيرات يجب إضاف مسافة واحدة على الأقل